 |
| image-from |
වැහි පොද එක එක වැටිලා
වීදුරු කවුළුව වැසිලා
ඈ මා දෑසට එබිලා
මා හද ප්‍රේමෙන් තෙමිලා
නිල් ඇස් වල ඇඳි කවිය
කියවන්නට හිත මදිය
කෝමල රස පෙම් පැදිය
ගයනා තොල් පෙති හැඩය
මා අත්ලේ සැරි සැරිය
ඈ අතැඟිලි හරි මුදුය
ඉහිරෙන වැහි බිඳු දඟය
ඈ සිප ගන්නට පොරය
මා සියුමැලි සඳවතිය
තුරුලේ දැන් සුව නිදිය
මේ මඟ වෙනදා දුරය
ඇයි අද මේ කලබලය
13 comments:
මේ මඟ වෙනදා දුරය
ඇයි අද මේ කලබලය :)) මේකනම් ඇත්ත තමා....:)
අන්තිම පේලි දෙක මට තේරුනේ නෑනේ...
@Dinesh, මං හිතන්නෙ.. වෙනදට දුර පාරෙ අද කලබලෙන් වාහනෙ යන නිසා ඉක්මනට පෙම්වතියගෙන් වෙන්වෙන්න වෙයි කියල කවියා අකමැත්තෙන් ඉන්නෙ.
(Is that d meaning Rasika?)
@ හසිතා : මම හිතුවේ මෙහෙමයි...
තනියම යනකොට ඕනම කෙනෙක්ට දැනෙන්නේ ගමන දුරයි කියලා...පෙම්වතිය එක්ක යනකොට වෙලාව යනවා දැනෙන්නේ නැහැ...බස් එක වෙනදට වඩා ඉක්මනින්, කලබලෙන් යනවා කියල තමයි දැනෙන්නේ (ඇත්තටම එහෙම නොවුනත්)...:)
@Sayuri: ෂහ් හරි අපූරු විවරණය !!
@Dinesh: ඔය කට්ටිය කියන්නෙ :D
@හසිතා: ව්‍යංගය මඟහැර ඇති හැඩයි :)
කවුළුව පින්නෙන් බොඳය
මුළු ලොව නිදනා හැඩය
හිරිගඩු මල් විකසිතය
ඇත ශෘංගාරෙක රසය...
(අදහස සැර වැඩි නම් සමාවුව මැනවි)
යන එන බස් රථය
නෙතු දහසක් වටය :D
හ්ම්ම්ම්...ඒක තමයි මං කියන්න උත්සහ කලේ "මුළු ලොව නිදනා හැඩය" කියල...ඒ ඒ අය තම තමන්ගෙ වැඩනෙ...අනික අනිත් අය ඇත්තටම නිදි...අත්දැකීමෙන් කියන්නෙ... (:දිව දොට්ට)
නියමයි :|
යාළුවා ලස්සනයි කවි ටික.සොඳුරු අවස්ථාවල් ගෙවෙන්නේ නිමේෂයෙන්
බොහොම ස්තුතියි මිතුර :)
මේකේ නම් බොක්ක meaning එකක් තියෙනවා.
ඇත්ත තමා කෙල්ල එක්ක යද්දි ගමනාන්තෙට ආවම ආයෙත් දමලා ගහලා ඒ පාරෙම අනිත් බස් එකේ ගිහින් එන්න හිතෙනවා
Post a Comment