Featured

Sunday, May 16, 2021

මාස්ටර්පීස්

Photo from The Telegraph UK

අනර්ඝය මහාර්ඝය
ලොවෙත් සුපිරිය මරුය
විශේෂණ ගොඩකින්ම
නැඟූ උත්කර්ෂයට
කාලාකෘති තුළ සිරව
හිඳින්නාවූ විවිධ
චරිත රොත්තක් එක්ව
කෑ ගාන හඬ ඇසේ

මෙය අපේ කතාවයි
එය ඇත්ත එය ඇත්ත
නුඹට රසවත් තිත්ත
තලු මරන වල් හැත්ත
කඳුළු වගෙ නැහැ තින්ත
ලියන්නට බැහැ අපිට

හොඳින් දෙසවන සුසර
කර ඇසුවොතින් ඇසේ
වෙඩි සද්ද මැද හින්ද
වැඩිය නෑසෙන හිත්ද
මතක් වී අම්මලා
පැටවු අඹු දරුවන්ද
හඬනව බොල යක්කු
නොවේ මේ අප ඉල්ලු
තොපේ රෙද්දේ යුද්ධ

සොචනීයම කොටස
හිනාවී ඉල ඇදෙන
කාලයක් ගතවෙද්දි
අපි අපිම පසසනා
අපේ උරුමය තියෙන
අපිම පීසස් වෙච්ච
කොහේ හරි කාගෙ හරි
එව්ව මාස්ටර් පීස්

Wednesday, October 7, 2020

දාලිත්

image-from
 

කෑලි කපාගෙන කළුවර ගින්න විකාරෙන්
කිල්ල මකාලයි සුදු දෝතියට නිගාවෙන්
නින්දෙ වැදී ඇයි අහසේ අන්ධ විලාසෙන්
වැස්ස වෙලා මේ සෑයේ ගින්න නිවාපන්

මලක් සේ අකුලෙ මා හද තුරුලේ හිනාවෙන්
උන්නු දැවේ මියැදී මටද මුවාවෙන්
දැවෙන මුරට රැකවල් නොවී පමාවෙන්
ඉන්න නෑ වරම් තනියට දුවේ කමාවෙන්

පින්න වැටීලා අලුයම ගින්න නිමාවෙන්
ඉන්න හැටි රැකී දාලිත් උන්ම කියාදෙන්
ධවල පිරුවටය අස්සෙන් යක්කු සිනාසෙන්
තැනක ගිය දුවේ දෙවියන් ඇතිද කියාපන්

පසුබිම් පුවත :
http://www.ada.lk    https://www.aljazeera.com

Picture : https://www.telegraphindia.com

Wednesday, April 22, 2020

උත්කර්ෂය

image-from

සඳත් අවරින් නැඟෙන මොහොතේ
තවම එළියයි මැදුර නුඹගේ
ඉසිඹු ලමි රණ බිමෙන් නික්මී
නුඹත් යන එන වෙහෙර කන්දේ

කිරුළෙ අනුහස් එළිය වැටිලා
ගම කලින් මල්වර උණා
අස්ස කුර මල් තලා දෙවටේ
තෙතම ඩිංගත් අවිලුවා

සඳලුතල මත නුඹේ රූ සිරි
වරුණ ඉන් අහසට නැඟී
පියාඹා යන අපූරුව දුර
නුඹව සිරකර මන්දිරේ

හතුරු සෙනඟට බැට තලා
එන්න කිතුගොස නංවලා
බොහෝ මවුනට වඩා පෙම්බර
අපේ අම්මා පිං කළා

අප්සරා නුඹ හිනාවෙනවද 
සැකයි මට නම් පැංචියේ
පව්වෙ හෙවණැල්ලට වහංගුව 
හුඟක් කදුලැලි හැංඟුනේ

Related Posts Plugin for WordPress, Blogger...