Friday, June 22, 2012

හයිය

image-from

යකඩ කම්බියක් 
උනත් 
නමනකොට නමනකොට 
කැඩෙනව.

Friday, June 15, 2012

කටුගේ


image-from


සිහිනය සොයා 
දෑසම වසා
ගියදා පාළුවේ

මුදු සුවඳ ලා
හිත ළඟ ගයා
පිපිලා මාවතේ

රහසක ලියා 
පතුලේ නොලා
සඟවා සාගරේ

අහසක ලියා 
ඒ මල තෙමා 
වැස්සා ආදරේ

විස කටු නෙළා
මල් ඉවතලා
තනලා මාළිගේ

හද එහි හොවා 
මතකය මරා 
වලළා පාදමේ

කඳු හෙල් පවා
සසලව බලා 
සිටියා සීතලේ

ඔබගෙන් පලා 
යන මා දිහා
අවුලා ආදරේ

සඳ රෑ පුරා 
ඉවසා බලා 
සිටියා මා කෙරේ

සඳ බැස ගියා 
උදයේ පවා 
අඳුරුයි මාළිගේ

Saturday, June 2, 2012

පහන

image-from

රන්වන් පාටින් දැල්වී
ආලෝකය දී පිච්චී
රත්ව දැවී තෙල් කළුවී
සියල්ල මා හට දන් දී

ජීවිතයේ කළු අඳුරු පැයේ
ආලෝකය දුන් පහන රැයේ

අරුණාලෝකය හමුවී
අඳුරේදී පෙර නොදිටී
පෙනෙනා ලොව තුළ කැළඹී
ඇත දෑසම ගිනි කණවී

ජීවිතයේ කළු අඳුරු පැයේ
ආලෝකය දුන් පහන රැයේ

පෙනෙනා දේ අඳුරේදී
වටිනා ආලෝකයකි
දිලිසෙන දේ ලඟ නොපෙනී
ඇත නිහඬව එළියේදී

පිදුම 
අම්මාට

Related Posts Plugin for WordPress, Blogger...