Tuesday, January 31, 2012

අවිනිශ්චිත

image-from

                                                         කූඩැල්ලෙකි ලේ බී 
                                                                   තර උන ඇඟිලි කරුවක
                                                         වැගිරෙන ලේ මුසුවෙයි
                                                                  මඩ හා දුඟඳ පාමුල
                                                         
                                                          ඉඳ හිට රැළිති මැවෙයි
                                                                 නිසසල වගුරු දිය මත
                                                         නොපෙනෙන රැළිති මුල
                                                                 දිය යට කුමක් සසලද

                                                         මන්දාරම් කළුවර                                                                  
                                                                 වසමින් අවට පැතිරුණ
                                                         ඝනකම සුදු මීදුම  
                                                                 පෙනහලු තුළට රිංගන

                                                         සඳ තරු නැති පායා
                                                                හිස් අහස කළුවර
                                                         වස්සන පිනි සීතල                                                                
                                                                ගත පෙළන අන්දම

                                                         පසුපස බියකරු වන
                                                                රොද රෑහි නාදය
                                                         තුරු අතරේ දිලිසෙන
                                                                එළි මෘග දෑසක

                                                         කොහි සිට ආවෙද මා
                                                                මෙහි ආවෙ කොහොමද
                                                         කොහි යන්නෙද මා මේ
                                                                මීදුම් වගුර පසු කර

Monday, January 23, 2012

අනික

image-from
                                                                                                       
                                                      අර කෝච්චිය යයිද
                                                      මේ කෝච්චිය යයිද
                                                      කෝක ඉක්මන් වෙයිද
                                                      කලබලයි මසිත හරි

                                                      අනික ඉක්මනින් යන
                                                      සෙයකි දැන් පෙනෙන්නේ
                                                      යකඩ කට කීවේත්                                                       
                                                      යන බවය එය දැන්ම

                                                      බසිමි මම බසිමි මම
                                                      දුවමි එය අල්ලන්න
                                                      මෙතෙක් දුර ගෙනා මා
                                                      ආයුබෝවන් නුඹට

                                                      ගුවන් පාලමෙ උඩට                                                       
                                                      තියෙන අන්තිම පඩිය                                                       
                                                      නඟින මොහොතේ ඇසුණ
                                                      හූව කීවේ මට  ?

                                                      දුම් රිය  හුන් යතී
                                                      පැද්දි පැද්දී ඇදී
                                                      අපරාදෙ බැස ආවෙ
                                                      මසිත දැන් පසුතැවේ

                                                      එහෙට මෙහෙ යන සෙනඟ
                                                      බාල ල මගෙ ගමන
                                                      අනෙක් දුම් රියත් දැන්                                                      
                                                      හූ කියන්නේ යන්න

                                                      නැකත හරි නෑ වගෙයි
                                                      ගෙයින් එළියට බැස්ස
                                                      ගුවන් පාලම මතින්                                                       
                                                      නැඟෙන කළු දුම් සුසුම්

                                                      බසෙක නැඟ පමාවී
                                                      කලබලෙන් වැඩපොළට
                                                      දුවන හැටි මතක් වී
                                                      දැනුත් මට හති වැටේ

                                                      දැනුයි දැක්කේ තවත්
                                                      මා වැනිම අය අවට
                                                      නැතිය මා මෙහි තනිව
                                                      හදා ගත්තෙමි මසිත

                                                      කොටුව පියමං කරමි
                                                      හනික බසයක් ගනිමි
                                                      දැන්ම මින් පිටව යමි                                                       
                                                      කෝ ටිකට් පත කොහිද ?

Sunday, January 15, 2012

හැටී


image-from


අතීතයේ
 දුර පොළෝ ගැබට 
තනි තරුවක් අහසින් වැටුණු හැටී
කියා දෙන්න මට බලා ඉන්න යළි 
තරුව අහසෙ දුර දිලෙන හැටී

කතා නැතිව ඇස් දිහා බලගෙන 
එකම හීනයක් දැකපු හැටී
කියා දෙන්න මට හමු වූ මොහොතක 
ඔබේ දෑස මඟ හරින හැටී

අපේ කතාවල සුපෙම් ලතාවට
ලැජ්ජාවෙන් සඳ වැසුණු හැටී
කියා දෙන්න දිව නුහුරු බසින් හෙට 
ඔබේ නමින් අමතනා හැටී

පියාඹන්න දුර මිදී මගෙන් 
මේ අහස ඔබෙයි ඔබ කියන හැටී
කියා දෙන්න මට ඉගිල්ලෙන්න 
මේ ඉරී රිදෙන තටු සලන හැටී

කඩා ගන්න මිස හදා ගන්න බැරි
හිතේ හැඩය ඔබ වෙච්ච හැටී
කියා දෙන්න මිතුරියක කියා ඔබ
මගේ හිතට බොරු කරන හැටී


Tuesday, January 10, 2012

කොබෙයි පවුල

image-from

                                         අළු කොබෙයි පවුල බිත්තිය උඩ ගෙයක් හදාගෙන
                                         බිත්තිය පිට බේරෙනවා උන්ගෙ වසුරු කැත
                                         දන්න එකක්දැයි උන් මේ ගේ දොරකඩ බව
                                         පොඩි පැටවු පියාඹනකන් විතරයි උඹලට ඉඩ

                                        රෑ පවා ඇහෙන උඹේ පවුල බෙරිහන් දෙන හඬ
                                        නිදා ගන්න නෑ වැඩ අහවර වී ආවම
                                        එළවන්න හිතෙන හැම වෙලේම මතක් වෙනව මට
                                        පොඩි දරුවො අරන් උන් හිටි තැන් නැතිව වින්ද දුක

                                        පෙම් මාලිගාවෙ කිරුළු දරන් උන්නේ කුලියට
                                        ඒ කිරුළු පවා උගස් කළා පැටවු රකින්නට
                                        ඈ මැලවුණු වත සාක්කි දෙයි හෙලපු දහිරියට
                                        සඳ මඬල ඇයයි නිදනා මගේ සා පැටවුන් හට

                                        එන අවුරුද්දට හුණු ගානව අපේ ගෙදර වට
                                        හදා ගත්ත දහඩිය කඳුලැලි පිරියම් කර
                                        හිමින් දොඩාපන් මගෙ පොඩි පැටවු නිදන කොට
                                        අහිතක් නෑ ඉඳපන් අපෙ පුංචි වහල යට

Saturday, January 7, 2012

ඒ කාලෙ


image-from
                                                   
                                                     අතීතය හරි                          සාරය
                                                     අසාරය                       වර්තමානය
                                                     හෙට කියන්නෙත්                ඕකය
                                                     අද දවස හොඳ වන්නෙ    හෙටමය

                                                     ගැන ළමා                           කාලය
                                                     අපි අපේ ආ                       වඩමුය
                                                     තාත්තත් කීවෙ                    ඕකය
                                                     අපේ කාලය තමයි              කාලය

                                                     අපි හිතන හැටි                 පරණය
                                                     දරුවො හිතනා අයුරු       නුහුරුය
                                                     ළමා විය උන් විඳින           අයුරුය
                                                     අපි වින්ද එක අපිට            කදිමය

                                                     අතීතය                        වන්දනීයය
                                                     උගත් පාඩම්                      එමටය
                                                     සදා ඉන්                         දඟගෙය
                                                     රිදවීම වත්මන                  අසාරය

Related Posts Plugin for WordPress, Blogger...