Sunday, October 30, 2011

කුලී

image-from

                                              තරුත්      නිදී    නැතිමුත් තව ලොව         ඇහැරී
                                              ගියත්       මිදී    කැදැල්ල විහඟුන්       නොවෙතී
                                              තැනක්   නැතී   හෙට කොතැනද කිව  නොහැකී
                                              සොයා    ඇදී    යයි දිවි රකිනා                  කාසී

                                             හිරුද      නැඟී    පෙලුවත් ගත දවා               නිතී
                                             නොහැක  මිදී    යන්නට ඉන් තව           රැකෙතී
                                             ළය        පිරී    දූවිලි දුම් රොටු                කැරළී
                                             ගැහෙන    රිදී    ළය තුළ හද නැහැ            කිලිටී

                                             දියෙන්  තෙමී    ගත දහඩිය මුගුරු               නැගී
                                             පසත්    පෙඟී     දහඩිය සුවඳ                  දෙතී
                                             වැසිත්     වැටී   තෙමුවත් ගත හරස්            වෙවී
                                             සඳත්     නැඟී   කුසගින්නට රැයක්             නැතී

Tuesday, October 25, 2011

ගෙදර වැස්ස

image-from

                                                        අක්කෙ අක්කෙ මේ බලන්න
                                                        වත්තෙ පිරුණු වතුර ගොන්න
                                                        සුදු පෙණ කැටි ගොඩක් වගේ
                                                        පීල්ල පාමුල බලන්න


                                                                මල්ලි මල්ලි මෙහෙට එන්න

                                                                යන්න එපා දැන් තෙමෙන්න
                                                                අම්ම කිව්ව මතක නැද්ද
                                                                ගනීවි උණ රෑට ඔන්න

                                                        හුළඟේ හෝ හඬ අහන්න
                                                        ගස් ඇඹරෙන හැටි බලන්න
                                                        හිරිකඩ ඉස්තොප්පුවේ                                                         

                                                        ඇඳපු රටා හැඩයි නේද

                                                                වැස්සත් වැඩි කරලා දැන්

                                                                අකුණු ගහන හැටි බලන්න                                                                 
                                                                හනිකට ගේ තුළට එන්න
                                                                නැතිනම් මං යනව යන්න


                                                         අක්කෙ අක්කෙ ඔහොම ඉන්න
                                                         මාත් එනව බයයි ඉන්න
                                                         සුදු කරදහි බෝට්ටුවත් 

                                                         වතුර පිරී ගිලෙයි අන්න

Friday, October 21, 2011

නයිට් මේල්

image-from
                                                                        
                                                                      රෑ ... අඳුරෙම
                                                                      මා ... තනිවම
                                                                      සමුදෙනවා
                                                                      මා ඉපදුණු

                                                                      නුවරට                                                                                         

                                                                      මේ ... දුම් රිය
                                                                      මා ... හා ඇය
                                                                      ආදරයේ
                                                                      ඔටුනු පලන්
                                                                      රජ ගෙය


                                                                      සී ... තල සඳ
                                                                      මා ... තුරුලට
                                                                      එන්නට අද
                                                                      කබාය ඇත   

                                                                      ඉතිරිව
                                                                    
                                                                      ලා ... අරුණට
                                                                      ගී ... කියමින
                                                                      හිරි පොද යට                                                                         

                                                                      අප ගිය පා
                                                                      පුවරුව


                                                                      සෝ ... ගින්දර
                                                                      මා ... රිදවන
                                                                      කැලණි ගඟට
                                                                      නිවා ලන්න
                                                                      හැකි වෙද


Wednesday, October 19, 2011

කතරේ මවුනි

                                         එළිය කරන්නට මා ලොව                     සරසාලා
                                         කතරට ගියේ ඇයි අම්මේ මා                       දාලා
                                         සෙනෙහේ ඔබේ සයුරයි ඇති දිය              පිරිලා
                                         මං ලොකු වැඩිද කිමිදෙන්නට එහි              නාලා


                                         තාත්තා කියන්නේ හිස                          අතගාලා
                                         උකුලේ තියන් නාඩන් අම්මා                     ඉල්ලා
                                         නියඟය ඉරි අඳී පොළවේ                       පායාලා
                                         හිස මා තෙමුණෙ කොහොමද වැහි පොද  වැටිලා


                                         ඔබේ සුවඳ නැහැ රට සළුවල                     ගාලා
                                         කැවූ බතේ රස නැහැ හුරතල්                   කරලා
                                         මගේ පුතේ හඬ පිළිරැව් දෙයි                   ඇසිලා
                                         සෙනේ ඔබේ ගනු බැහැ රන් මසු                 දීලා


Wednesday, October 12, 2011

ආත්මාර්ථ

image-from

                                                               රෝස මලක්
                                                               රතු රෝස මලක්                                                                

                                                               මං
                                                               දෝත දරාගෙන උන්නා


                                                               බඹර රැළක්                                                                

                                                               නාඹරම කැලක්
                                                               රොන්
                                                               ගන්න වගේ ලං වූවා


                                                               කෝල කරන්                                                                

                                                               බඹරාන කෙනෙක්
                                                               ලං                                                                

                                                               වෙවි කියා අත් පටලා

                                                               රෝස කටුත්
                                                               
වැද බඹර දලත්
                                                               ලේ
                                                               දෑත තෙමද්දිත් උන්නා 


                                                               වීර කවක්
                                                               රතු පාට ලෙයින්                                                               

                                                               රතු
                                                               රෝස මලේ නුඹ සන්දා


                                                               ලීව බවත්                                                                

                                                               හිමි කාර මමත්
                                                               බව
                                                               කීම සඳා අත් මිදුවා 


                                                               අහෝ ...


                                                               මාගෙ සුරත්                                                               

                                                               සිරකාර බැමිත්
                                                               ඔබෙ                                                                

                                                               රෝස පෙතිත් පොඩි කරලා

                                                               රෝස පතක්
                                                               මත කඳුළු බිඳක්
                                                               රතු                                                               

                                                               පාට ලෙයත් බොඳ කෙරුවා

Saturday, October 8, 2011

නටබුන්

image-from

                                                 පියන් නැති කවුළුවෙන්  සුළං ගෙතුළට       වදී
                                                 වහලෙ උළු කැට නැතිව පොළව හිරු රැස්  විඳී
                                                 රේල් පාරට එහා බිඳුණු ගඩොලින්            සැදී
                                                 සුනාමිය බිඳපු ගේ සොවින් තාමත්             හිඳී


                                                 උන්නු අය අතින් මෙහි වුණිද වරදක්           මදී
                                                 අසයි මේ නිවස නිති නැගෙන රැල්ලෙන්     බිඳී
                                                 ගැඹුරු මහ සයුර මොනවදෝ සඟවා           හිඳී
                                                 
රැල්ල මඟ හරී හැමදාම උත්තර               නොදී

                                                 පොඩි පැටව් කෙළිදෙලෙන් හිඳී රළ හා     බැඳී
                                                 පෙම්වතුන් එදා වාගෙම තවම එයි              ඇදී
                                                 රේල් පාරෙන් එහා තනිව අදටත්                රැඳී
                                                 සොවින් ඔබ සිහි කරන්නෙද සයුර කළ      හදී


නිමේෂය

image-from


ඇස් දිහා බලං         අපි කතා කරපු        දවසකට වඩා
හිනා වෙවී උන්        අපේ වෙලා අපි       හැමදාට වඩා
දැනේ සෙනේ මේ     ගතවෙනා පුංචි    නිමේෂයේ පවා
පමා ඇයිද තව      බලං ඉන්න බැ      හිත වැටෙයි කඩා

නොමැති ඔය වදන් 
නිහඬ බව තරම්
විරහ ගීතයක් 
තියෙනවද තවත්

නොදැක ඔය නුවන්
දෑස් මත ඇඳෙයි
රැයක සිතුවමක් 
අඳුරු සායමින්

හිරුට ඉඟි කරන්
සොඳුරු සඳ නැඟෙයි
ඈත එන ඔබේ 
රුවත්  වගෙයි

Related Posts Plugin for WordPress, Blogger...