Saturday, October 19, 2013

මිරිඟුව

image-from

                                                         උදා වන්නට පෙර වසන්තය
                                                         හැඳින සිටියාදෝ නොදන්නෙමි
                                                         නමුත් පෙර මා මගේ ඇසුරින්
                                                         මේ තරම් නුහුරක් නොවින්ඳෙමි

                                                         නුඹේ දෑසින් දුටුව මිරිඟුව
                                                         මගේ හද ගත් මගේ පිළිරුව
                                                         බොඳ වෙලා නුඹ නැතිව අතරට
                                                         තිබේ නටඹුන් බරට ඉතිරිව

                                                         දෙසවනින් මා බොහෝ රසවිඳි
                                                         නුඹ ගැයූ මා ලියූ පෙම් කවි
                                                         හදේ ගැඹුරුම තැනුත් කැලතිනි
                                                         පසිඳලන්නට අරුත නොදනිමි

                                                         සිහින අහසට නැඟී පියඹා
                                                         යාවි ඈතට රාව නංවා
                                                         ඒ විහඟ තටු අග රැඳී තිබු
                                                         බිංදු පිණි කැට විසිරිලා

Related Posts Plugin for WordPress, Blogger...