Thursday, April 26, 2012

සුමට

image-from


බිත්තියේ කඩතොලු වසා
කිරි පාට පොටි හැන්දක උලා
ගෙදර හිඟකම් හිත හිතා
කණ පාට පැල්ලම් යට කළා

කොලේ වැල්ලෙන් හීරිලා
සමතලා වෙන බිත්තිය බලා
දූලි දුම් සුසුමන් හෙළා
සමසමාජය සිහිපත් කළා

දූගෙ කම්මුල් පැහැ මවා
ලා රෝස සායම් තැවරිලා
පිට හීන මන්දිර හැඩ වෙලා
ණය කාසි ළඟ අසරණ වෙලා



පොටි - බිත්ති සුමට කිරීම සඳහා භාවිතා වන බදාම විශේෂයකි

Thursday, April 19, 2012

බොර වතුර

image-from
                                                        
                                                        නිසසල දියේ තුරු සිරසේ        ජායාව
                                                        සරතැස නිවේ ඇය පාමුල      හේඩාව
                                                        සුවඳට මලේ සිත නිවෙනා     සේයාව
                                                        සුළඟට දියේ මල් වැටෙනා    වේලාව

                                                        කළුවර වෙලා මුළු අහසම      ගුගුලාම
                                                        වියරුව මහා වැසි දිය මත    වැටුණාම
                                                        පතුලද විලේ කැළඹෙයි මඩ     දුටුවාද
                                                        චංචල දියේ නොගැඹුරු බව  දැනුනාද

                                                        වැස්සට දියේ එකිනෙක මල් ගිලුණාට
                                                        හිරිකඩ හිතේ සුන්දර තැන්  තෙමුවාට
                                                        කැඩපත දියේ විසිරුන රුව   මැකුවාට
                                                        ඉඳහිට වැටේ පත් අග රැඳි පිනි    දියට

Saturday, April 14, 2012

අවුරුද්දයි





විකසිතට අදට අවුරුද්දයි
සබඳ ඔබ සැමට ස්තුතියි
පිරී යැයි සිත් සිතට සතුටුයි

ලැබුවා වු නව වසරයි
ජයයි සතුටයි සාමයයි 
පිරේවා විකසිත පැතුමයි

!

Tuesday, April 10, 2012

සළු අතර


image-from

දෑත දැවටෙන සිනිඳු සේල
ඇතිරු ලෝකයක් ගැන පේන
හීන හිරිමල් සොඳුරු බෝම
තැවරු ඇඟලුමින් නිමි පාට

ගැලපෙනම සළුව තෝරන්න
සමත් දිලිසෙන යොවුන් දෑස
නොදත් දේ රැසයි තෝරන්න
ටිකයි දැක ඇත්තෙ තව බෝම

ගෙදර ගෙනියන්න අවුරුද්ද
සළු අතර නිදි වරයි රෑද
කතා දුක්බර හිතේ බෝම
තියාගෙන හිනා වෙනවාද

Related Posts Plugin for WordPress, Blogger...