Monday, June 27, 2011

කුසුම


source

සුදු පිච්ච මලක
සිරියයි මුහුණ
රේණු පොකුරක
සුවඳයි වචන

උසත් නැති ගහක
අතු බිමට නැමුණ
අත පොවන දුරක 
හිනැහෙන කුසුම

මාවතක් මතක 
තබා ගත නොහෙන
ස්වප්න උයනක 
සුපිපුණේ කිමද ? 

Friday, June 24, 2011

මේ වගේ




කිසිදා නෑ දැනී මේ වගේ ආදරේ
ඔබ මගේ ළඟ නැතී දුක දැනේ අද දිනේ
වෙන් වෙලා ගිය පසුයි තේරුණේ කුමරියේ 

ඔබ කෙරේ හද සෙනේ වාගෙ බැව් සාගරේ

සීත රෑ නින්ද නෑ හද දවයි ආදරේ
පාළු වූ විජිතයේ තනිකමයි රජවුනේ
මධු විතින් නොම බිඳේ තනිය මා හදවතේ
සුළං රැල් ඔබ ගැනයි මුමුණමින් හමන්නේ


ලිව්වේ December, 2006
හඬ Sam Samarakoon

ගුරු අම්මා

source

අපෙ ගම්මානෙ දුෂ්කර පිටිසර හින්දා
පාසැල් එන්නෙ එහෙමත් ළමයෙක් හන්දා
උනුත් කුඹුරු වැඩ දවසට නැති හන්දා
ගුරුවරු නේන එක මෙහි හරිදෝ මන්දා


මේ දුක් ගැහට දැක දැක අප ගැන පෙම්මා
ඉස්කෝලෙම ඉන්න අපගේ ගුරු අම්මා
පෑහෙන්නට නොදී අම්බරුවන් එක්කා
සිප් කිරි පොවයි අපගේ හිස් හිස් අතගා


හිතමින් ඉන්න හැටි නගරෙට පැන ගන්නා
පුහුදුන් අපි මඩේ ඔබ නෙළුමයි පිපිලා
දල්වන නැණ පහන් අපගේ ඇස් පාදා
අම්මා බුදු වෙන්න ඔබ අග සවු වේවා !


Thursday, June 16, 2011

නාට්‍ය

source

ළොවෙත් නැති කෝලම්
සඳකඩ පහණෙවත්
නොමැති කැටයම්

කුමරුන් කුමරියන්
රඟපාන අන්දම්
දැන්වීම් අස්සෙන්

බලාගෙන ඉන්නා විට
අයාගෙන කට
ඉක්ක වැටෙනව මට

හිතෙනවා විටෙක
මේවා බලන්නට
පිස්සුවක් ඇතෑ මට

අනේ එතකොට
ඇඬෙනවා තනි ඇහැට
කඳුළු කැට කැට

Friday, June 10, 2011

පොසොන් වැස්ස



source


නොදන්වා විත්
තෙමා හදවත 
නොදන්නා සේ 
පලා ගිය ඔබ

පොසොන් වැස්සයි 
ගිලන් කල මා 
මුවාවක් නොතිබූ
සුපෙම් හිත

දුයිෂෙන්



source


                                             සාමය මල් සුවඳක් වී සැම සිත් සිපගෙන හැමුවා
                                             ගම්මානෙට නුහුරු නැවුම් සුවඳක්  තුළ තිබුණා
                                             කඳු පෙළ ගම වටකර සුවඳැති සුළඟට වැට බැන්ඳා
                                             ඒ කඳු මැද පටු නිම්නය මා දැක පෙර මඟ 
කීවා
                                            

                                             රෑ සිහිනෙන් දුටු ලෝකය ඔය දෑසින් මා දුටුවා
                                             ගත ඩා බිඳු මිහිකත හා එක් වී පාසැල තැනුවා
                                             ඔබ දෑතින් ගොම ඇතිරූ බිම මුදු පලසක් වූවා
                                             
සැදු පාසැල තනි වෙනවා නුඹ අද සමුගෙන යනවා
                                             
                                             අල්තිනායි නුඹට ඉරක් හෙට අලුතින් පායනවා
                                             මගේ පුංචි කුමාරියේ නුඹේ ලොවට එළි වෙනවා
                                             පොප්ලර් ගස් යාය මැදින් ගම්මානෙට සඳ එනවා  

                                             දුම්රියපොළ දැන් පාළුයි රෑ වෙනවා මම යනවා                                                        

අදහස : ගුරු ගීතය (නව කතා) - චිංගීස් අයිත්මාතව්

Friday, June 3, 2011

මල්

source-email
                                                   

                                                   මල් ලස්සනයි සුවඳයි පාටයි             සිනිඳුයි
                                                   වටකර කැකුළ පොකුරම හරි        සිරියාවයි
                                                   ඒ මල් දරන නටුවේ කටු                රිදවයි
                                                   දෑසේ කඳුළු පිනි කැට වී මල්            සරසයි

සිහිනය


source


ඇය එහා පැත්තේ 
මං මෙහා පැත්තේ
අපි දෙන්නා මද්දේ
කලු වීදුරුව

ඈ සොඳුරු බව මටත්
වාගේම ඈ හටත්
කියාදෙන ටින්ටඩ්
කලු වීදුරුව

ඇගෙන් මා වසන් කර
මා නෙතේ ඈ හොවන
පක්ෂපාතී කපට
කලු වීදුරුව

දෑසම ඇරන් දකින
මගේ පෙම් සිහිනයට
එළිය දෙන්නේ අඳුරු 
කලු වීදුරුව

Related Posts Plugin for WordPress, Blogger...