Friday, May 18, 2012

කන්ද නැඟීම


image-from
                                             
                                                දෙපා මඩ වැකුණු ගල් ඇනී දැන්   රිදෙනා
                                                මඟෙහි දුෂ්කර විටෙක මල් පෙතිද තිබුණා
                                                අත්ල මත දිය බුබුළු රැඳි බරට      නැඟුනා
                                                මැදී ගස් අතු සමඟ ඉරී සම           ඇරුනා

                                                               තැනිතලාවයි        නිවන
                                                               දාහය ගතේ           ගිමන
                                                               සීතල සුළං            හමන
                                                               වැතිරී සුවෙන්       සිටින

                                                බියෙන් පය ලිස්සාද හදින් පෙර ගැහෙනා
                                                දුටුවෙ බෑවුම පමණි ලිහී ගල්       වැටෙනා
                                                මුදා බිය වැතිර සිටිනා විටදි       පෙනෙනා
                                                උසයි තව කන්ද හිස වළාවෙන්     වැසුනා

                                                               රුධිරය ගතේ          නිවුන
                                                               මිදී සීතෙන්             හමන
                                                               හැක හුස්ම        නවතින්න
                                                               යළි නැඟුම නිම නොවෙන

Tuesday, May 1, 2012

විරසකය

image-from


                                                 හිරු දියේ ගිලී සමුදුර එහි පැහැය        ගනී
                                                 කරදියෙන් තෙමී හිරිපොද ඇවිත් වත  සිඹී
                                                 නැඟී සඳ නැතී තරු මා හා        සිනාසෙතී
                                                 මුවාවට යමී ඉස්ටේසමට වැසි             වසී

                                                 රළ සමඟ හැපී වෙරළේ මතක පිය     මනී
                                                 මළ බැඳුණු පීලි මත දම් පාට මල්         පිපී
                                                 ඇගේ හිස පැළැන්දූ මල් සමය සිහි   වෙතී
                                                 අදත් ඇති පිපී අඳුරට පෙනෙන්නේ   නැතී

                                                සිහින කැබලිතී දුම් රිය හඬින්      ඉහිරෙතී
                                                වැස්ස නොම දෙතී ඉඩ තව පමාවට  මෙහී
                                                කළුව පමණකී අහසේ වලාකුළු           පිරී
                                                දෑස ලත වෙතී සිත ගතු කියයි ඇය      සිටී

Related Posts Plugin for WordPress, Blogger...