අජාසත්ත

                                                   
                                                   මල් පිපෙනවා වාගේ පුතු        හිනැහෙනවා
                                                   ඒ කටහඬින් ලෝකය විකසිත        වෙනවා
                                                   දෑතේ වෙලී තුරුලේ සුරතල්           වෙනවා
                                                   උරයේ හිස තියන් සුවසේ           නිදියනවා
                                                   
                                                   පිය සෙනෙහසේ සුවඳට හද       පෑරෙනවා
                                                   පෑරෙන හදේ ශෝකය කඳුලැල්     වෙනවා
                                                   රෑ දාවල් දෙකේ පියතුම            සිහිවෙනවා
                                                   කල පව් කමට හදවත උණුවී             දනවා

නුබ

source

වත නුඹේ කළු කරන්

පහස සීතල කරන්

මහ දවල් හිටි ගමන් 

ඇයිද හැඬුවේ තෙමන්

පංකාව

source

                                                 සිප් සතර ලබනයුරු                  බැතියෙන්
                                                 හා පෙමින් බැඳෙනයුරු                 රහසින්  
                                                 කවුරුවත් නැති විට ද                 තනියෙන්                
                                                 කැරකි කැරකී ඉන්න ඇති                බලන්
                                                 
                                                 ඉන්න ලෝකේ මනෝ                   සරමින්                                                        
                                                 දුන්නෙ කමටහන් නුඹ                 මැනවින්
                                                 තණ්හාවෙ සීලිමට                     ඇලෙමින්                                                  
                                                 සංසාරෙ තාම අපි                     කැරකෙන්
                                                 
                                                 පිය දෑස වසා තද                           කරමින්
                                                 ගලන දහඩිය බින්දු                        පිසිමින්
                                                 කැරකෙන්න කැරකෙන්න          හයියෙන්
                                                 රත් වෙච්ච ඔළුවට                           උඩින්

සීත

                                                

                                                         කන්දෙන් පිනූ දිය කඳ

                                                         හිස මත වැටී රිදවුවද
                                                         සීතල සියුම් බිඳිතිව
                                                         ඉඳිකටු තුඩින් ඇන්නද
                                                         
                                                         හද ඉපිල යන තරම් කෑ ගා
                                                         මුවට ලේ රස දැනුනද
                                                         ඇල්ල නුඹ පාමුල
                                                         වින්ද රිදුමද මිහිරිය
                                                         
                                                         මිදී ආවත් ඔබෙන් ඉවුරට
                                                         හිඳිනු බෑ ඔබ ළඟින් නිසලව
                                                         සෙයකි හමනා සුළං රොද
                                                         හුදෙකලාවෙන් වෙව්ලවන ගත
                                                         
                                                         ඔබේ හඬ හා සුවය දැනෙනා
                                                         සීත වනපෙත හැර පියා විත්
                                                         මතක දිය සෝබරව පිසලමි
                                                         ඔබ පෙනෙන දුර ඈතකින් හිඳ

සරුංගෝලෙ

source

කිතුල් පිති උණ පතුරු 
යසට පට්ටම හදල
පාට පාටින් හැඩට 
අලවාල සරසාල

ඉහට කන් දෙකට තව
හීනියට රැළි දාල
මේ නිවාඩුවට හැදු
ලස්සන සරුංගෝලෙ

මල්ලියේ අල්ලන්න
හොඳට ඉහළට කරල
නූල අදිනවා මං 
හුළං එන අත බලල

තව යන්න උඩ යන්න
පාවි පාවී ඉන්න 
ආසයි අපිත් එන්න
උඩට අපිවත් ගන්න

සාගරී

source

                                                        සෙවනැල්ල ළඟ නැති වෙලාවක
                                                        සයුරු තෙර හිඳ       කල්පනාවක
                                                        දෙපා ගිල්වා වැලි           තලාවක
                                                        සාගරී හා               හුදෙකලාවක
                                                        
                                                        මවා පෙණ කැටි හොවා   පහසක
                                                        එවා රළ පෙළ කරන       ඉඟියක
                                                        අරුත නොම වැටහුණු  විලාසෙක
                                                        විඳී රූ සඳ ඈත                අහසක
                                                        
                                                        බිඳී ඉවසිලි සෙනෙහෙ    සයුරක
                                                        රැගෙන වැලි පා මුලින්     ඉවතක
                                                        වාරු සිඳ නංවාන            රැල්ලක
                                                        යන්න ඈ අර අඳී               ඈතක