සුමට

image-from

බිත්තියේ කඩතොලු වසා
කිරි පාට පොටි හැන්දක උලා
ගෙදර හිඟකම් හිත හිතා
කණ පාට පැල්ලම් යට කළා

කොලේ වැල්ලෙන් හීරිලා
සමතලා වෙන බිත්තිය බලා
දූලි දුම් සුසුමන් හෙළා
සමසමාජය සිහිපත් කළා

දූගෙ කම්මුල් පැහැ මවා
ලා රෝස සායම් තැවරිලා
පිට හීන මන්දිර හැඩ වෙලා
ණය කාසි ළඟ අසරණ වෙලා

පොටි - බිත්ති සුමට කිරීම සඳහා භාවිතා වන බදාම විශේෂයකි. 

බොර වතුර

image-from

                                                        
                                                        නිසසල දියේ තුරු සිරසේ        ජායාව
                                                        සරතැස නිවේ ඇය පාමුල      හේඩාව
                                                        සුවඳට මලේ සිත නිවෙනා     සේයාව
                                                        සුළඟට දියේ මල් වැටෙනා    වේලාව

                                                        කළුවර වෙලා මුළු අහසම      ගුගුලාම
                                                        වියරුව මහා වැසි දිය මත    වැටුණාම
                                                        පතුලද විලේ කැළඹෙයි මඩ     දුටුවාද
                                                        චංචල දියේ නොගැඹුරු බව  දැනුනාද

                                                        වැස්සට දියේ එකිනෙක මල් ගිලුණාට
                                                        හිරිකඩ හිතේ සුන්දර තැන්  තෙමුවාට
                                                        කැඩපත දියේ විසිරුන රුව   මැකුවාට
                                                        ඉඳහිට වැටේ පත් අග රැඳි පිනි    දියට

අවුරුද්දයි

විකසිතට අදට අවුරුද්දයි

සබඳ ඔබ සැමට ස්තුතියි

පිරී යැයි සිත් සිතට සතුටුයි

ලැබුවා වු නව වසරයි

ජයයි සතුටයි සාමයයි 

පිරේවා විකසිත පැතුමයි

!

සළු අතර

image-from

දෑත දැවටෙන සිනිඳු සේල

ඇතිරු ලෝකයක් ගැන පේන

හීන හිරිමල් සොඳුරු බෝම

තැවරු ඇඟලුමින් නිමි පාට

ගැලපෙනම සළුව තෝරන්න

සමත් දිලිසෙන යොවුන් දෑස

නොදත් දේ රැසයි තෝරන්න

ටිකයි දැක ඇත්තෙ තව බෝම

ගෙදර ගෙනියන්න අවුරුද්ද

සළු අතර නිදි වරයි රෑද

කතා දුක්බර හිතේ බෝම

තියාගෙන හිනා වෙනවාද