 |
| image-from |
සුළඟ නුඹේ ගමන කොහිද
මා අසලම වෙළෙනු කිමද
එකලා ගමනින් වෙහෙසද
විවේකයට නැවතුණා ද
මා හට හුරු පුරුදු සුවඳ
නුඹ ගෙන අවේ කොහෙන්ද
අර පෙනෙනා මුදුනෙ කන්ද
රෝස මලක් හමු වුණාද
ඩා බිඳු සිප ගත්තෙ ඇයිද
මහට වෙහෙස වග සිතුණිද
පත් සොලවා ඔබ කී පද
දන්නා ගීතෙක තිබුණද
හිස් අවකාශය ඔබමද
දෝතට ගන්නට හැකිවෙද
දෑසින් දුටුවා වාගෙද
හැඟුමක් කොතරම් මිහිරිද
නුඹේ සිසිල ගත විනිවිද
හද පිරිමැද්දේ කොහොමද
ඒ අවසරයෙන් නෙතු අද
පිරුණේ අන්තිම කඳුළද
