පහන

image-from

රන්වන් පාටින් දැල්වී

ආලෝකය දී පිච්චී

රත්ව දැවී තෙල් කළුවී

සියල්ල මා හට දන් දී

ජීවිතයේ කළු අඳුරු පැයේ

ආලෝකය දුන් පහන රැයේ

අරුණාලෝකය හමුවී

අඳුරේදී පෙර නොදිටී

පෙනෙනා ලොව තුළ කැළඹී

ඇත දෑසම ගිනි කණවී

ජීවිතයේ කළු අඳුරු පැයේ

ආලෝකය දුන් පහන රැයේ

පෙනෙනා දේ අඳුරේදී

වටිනා ආලෝකයකි

දිලිසෙන දේ ලඟ නොපෙනී

ඇත නිහඬව එළියේදී

පිදුම 

අම්මාට

කන්ද නැඟීම

image-from

                                             
                                                දෙපා මඩ වැකුණු ගල් ඇනී දැන්   රිදෙනා
                                                මඟෙහි දුෂ්කර විටෙක මල් පෙතිද තිබුණා
                                                අත්ල මත දිය බුබුළු රැඳි බරට      නැඟුනා
                                                මැදී ගස් අතු සමඟ ඉරී සම           ඇරුනා

                                                               තැනිතලාවයි        නිවන
                                                               දාහය ගතේ           ගිමන
                                                               සීතල සුළං            හමන
                                                               වැතිරී සුවෙන්       සිටින

                                                බියෙන් පය ලිස්සාද හදින් පෙර ගැහෙනා
                                                දුටුවෙ බෑවුම පමණි ලිහී ගල්       වැටෙනා
                                                මුදා බිය වැතිර සිටිනා විටදි       පෙනෙනා
                                                උසයි තව කන්ද හිස වළාවෙන්     වැසුනා

                                                               රුධිරය ගතේ          නිවුන
                                                               මිදී සීතෙන්             හමන
                                                               හැක හුස්ම        නවතින්න
                                                               යළි නැඟුම නිම නොවෙන

විරසකය

image-from

                                                 හිරු දියේ ගිලී සමුදුර එහි පැහැය        ගනී

                                                 කරදියෙන් තෙමී හිරිපොද ඇවිත් වත  සිඹී

                                                 නැඟී සඳ නැතී තරු මා හා        සිනාසෙතී

                                                 මුවාවට යමී ඉස්ටේසමට වැසි             වසී

                                                 රළ සමඟ හැපී වෙරළේ මතක පිය     මනී

                                                 මළ බැඳුණු පීලි මත දම් පාට මල්         පිපී

                                                 ඇගේ හිස පැළැන්දූ මල් සමය සිහි   වෙතී

                                                 අදත් ඇති පිපී අඳුරට පෙනෙන්නේ   නැතී

                                                සිහින කැබලිතී දුම් රිය හඬින්      ඉහිරෙතී

                                                වැස්ස නොම දෙතී ඉඩ තව පමාවට  මෙහී

                                                කළුව පමණකී අහසේ වලාකුළු           පිරී

                                                දෑස ලත වෙතී සිත ගතු කියයි ඇය      සිටී