කතර

image-from

                                                                වියළි කතරට වැස්ස
                                                                ඉඳ හිට වැටෙයි
                                                                අහසත් අපිත් එක්ක 
                                                                පොළවක් සිතයි                                                                                     
                                                                වැහි බිංදු වියළි පස
                                                                සමඟ මුහු වෙයි                                                                 
                                                                උඩ නැඟෙන දුහුවිල්ල
                                                                නැවුම් සුවඳයි
                                                                
                                                                දියෙන් බොහොමයක් යළි
                                                                අහස හා මුහු වෙන්නෙ
                                                                බොහොම ඩිංගයි පොළව
                                                                කිමිදී වෙලා ගන්නෙ

                                                                නිල් අහස යට කතර
                                                                එදා වාගෙයි තාම                                                                  
                                                                දුඹුරු පසුබිමෙ තැනෙක
                                                                ඉඳ හිට පතොක් හැදෙන
                                                                මෘදු බඳෙක කටු තියෙන

සුළඟ

image-from

                                                        සුළඟ නුඹේ ගමන කොහිද
                                                        මා අසලම වෙළෙනු කිමද
                                                        එකලා ගමනින් වෙහෙසද
                                                        විවේකයට නැවතුණා ද

                                                        මා හට හුරු පුරුදු සුවඳ
                                                        නුඹ ගෙන අවේ කොහෙන්ද
                                                        අර පෙනෙනා මුදුනෙ කන්ද
                                                        රෝස මලක් හමු වුණාද

                                                        ඩා බිඳු සිප ගත්තෙ ඇයිද
                                                        මහට වෙහෙස වග සිතුණිද
                                                        පත් සොලවා ඔබ කී පද
                                                        දන්නා ගීතෙක තිබුණද

                                                        හිස් අවකාශය ඔබමද
                                                        දෝතට ගන්නට හැකිවෙද
                                                        දෑසින් දුටුවා වාගෙද                                                         
                                                        හැඟුමක් කොතරම් මිහිරිද

                                                        නුඹේ සිසිල ගත විනිවිද                                                         
                                                        හද පිරිමැද්දේ කොහොමද
                                                        ඒ අවසරයෙන් නෙතු අද
                                                        පිරුණේ අන්තිම කඳුළද

මල් වත්ත

image-from

                                                               ගසින් වෙන් වූ කැකුළු
                                                               පිපෙන මල් වත්තයි
                                                               කිරි සිනා හා කඳුළු                                                                
                                                               සමඟ මල් සුවඳයි

                                                               දෙවෙනි මව් තුරුල්ලේ
                                                               අකුරු ඇහිඳින කැකුළු
                                                               පසිඳලන්නට අරුත
                                                               වදන සෙනෙහස කියන

                                                               ජීවිතය ගමනක්                                                                
                                                               ආදරය උලෙළක්
                                                               ළපටි සිත් මල් වලට
                                                               සිහින් පොද වැස්සක්
                                                                                 
                                                               අරලියා මල් පාර
                                                               පියමං කරං ආපු
                                                               ආදරේ දුන් යාළු                                                                
                                                               හුඟක් ඉන්නට ඇතී

                                                               හිනාවෙන ඇස් කියන
                                                               සතුට පිළිබඳ වැකිය
                                                               ආදරය ප්‍රස්තුතය
                                                               හෙට අනියමාර්ථය

                                                               අපෙක්ෂාවේ දූලි
                                                               ඉතා පොඩියට රැඳුණු
                                                               උපෙක්ෂාවේ කැකුළු
                                                               අරලියා බිම වැටුණු