Saturday, February 18, 2012

දර

image-from

                                                සුද්දො වැඩි වනේ සිරි නරඹන්න පරිසරේ
                                                අපට බත් දෙන්න අප්පා දරට ගියෙ මගේ
                                                පොළව ඉරි තලන ඉර ගිනි බිඳින කූටකේ
                                                හෙළන දහඩියෙන් නුඹේ මල් සුවඳ වෙයි වනේ

                                                අජානේය රථ සවාරි යයි හැටට හැටේ
                                                නුඹේ හිත හයිය දැකලා මහ ගසුත් නැවේ
                                                උසට මිටි බැඳන් දර මහ ගොඩක් සයිකලේ
                                                වාරු නැති උනත් අත් වාරුව නුඹයි අපේ

                                                සත්තු මඟ බහින හැන්දෑ අඳුර එන වෙලේ
                                                අපේ පැල තාම අඳුරුයි පහන මඟ කැලේ
                                                දෙයියො වැඩ ඉන්න වනයට අරක් ගෙන අනේ
                                                අන්තරා නොකර අප්පා රැකදෙන්න අපේ

4 comments:

හසිතා said...

නියමයි... දර ගෙනියන කෙනෙක්ගෙ පින්තූරයක් දැම්ම නම් අගේ කියන්න බෑ..:)

Rasika Kariyawasam said...

ස්තුතියි ! ඒ වගේ පින්තූරයක් හෙව්වා. හම්බවුනේ නෑ :D

අසරණයා said...

තාත්ත ගැන ලියල තියෙන සංවේදී කවි පන්තියක්.මේවගේ ඒවා කොතෙක් ලිවුවත් කියවන්න එපා වෙන්නේ නැ..

Rasika Kariyawasam said...

බොහොම ස්තුතියි !!

Post a Comment

Related Posts Plugin for WordPress, Blogger...