සංසිඳීම

source

මැදින් කතරෙක 

දුකින් යන විට

නොසිතු ලෙස කෙම් 

බිමක් හමු විණ

වැඩුණු සරුවට 

මහා වෘක්ෂෙකි

අතට නුදුරින් 

පැසුණු ඵලයෙකි

පිරූ මුත් කුස

යන්ට හිත නැත

ඉහල අත්තක 

ඉදුණු ඵල දැක

බොජුන් දිවමන් 

සදිසි ඒ ඵල

නැඟී තුරු මත 

බැලීයෙමි රස

පෙනේ අත්තක 

අගට වන්නට 

බැඳුණු මීයක්

රසය වෑහෙන

විසැති මී මැසි 

සෙනඟ ගැවසෙන

නොසවි අතු අග

කරමි තරණය ?

`මම නැවතී සිටිමි. ඔබත් නවතින්න`
~ බුදුරජාණන් වහන්සේ විසින් අංගුලිමාලට

මතක

source

පුංචි ඇස් නුඹගේ කිඳුරී

පෙරළි කල වරලස කැරළී

වචන වී ගීයක් මිහිරී

ඇසේ තාමත් මට සොඳුරී

ළඟම ඉන්නට කී සුරලී

ඇයිද අද තනිවම වැළලී

ගින්න හද පතුලේ ඇවිලී

ගොසින් අද කඳුළුත් වියලී

ගමන මතකයි අපි ආපු

හීන සිහිවෙයි අපි මවපු

රෑක සඳ නැති අපි දැකපු

තරුව තාමත් තනිවමලු

අදහස : A Walk to Remember (2002)

රථාචාරී

source

                                                     සුක්කානමකි ලබනා දෑතේ පහස
                                                     රත්වූ එංජිමකි ගත උණුසුම දෙවන
                                                     දවසේ වැඩි හරිය ඒ සමඟින් ගෙවන
                                                     මැණිකේ දුකයිදෝ මා හා ආ එකට

                                                     යන්නේ නැතුවාම ගොඩ වුණු විගසින්ම
                                                     අම්මා මගේ සිහිකරලා බැන්නාට
                                                     උන්දෑ පින්දේය කන බත් අහුරක් ගාන
                                                     දන්නේ නැතුවාට ඔබ කළුදැයි සුදුද

                                                     ඉඳ හිට දුවන්නේ සැර කර එංජිමට
                                                     අල්ලන්නට නොවේ හඳ අහසේ තියෙන
                                                     වීරිය කරන්නේ රෑ දාවල් නැතුව
                                                     පුතුගේ උරුමෙ සුක්කානම නොම වෙන්න