වැස්ස

source

                                        වසා ගෙන අඳුරින් හාත්පස  අන් දසුනකට ඉඩ නොදී
                                        නිමා කර නිස්කලංකය දෙසවන් පුරා ගිගුමන් දිදී
                                        පිපෙයි හිරිගඩු  සුළං රැල්ලෙන් මුසුව ඇති සීතල පිනී
                                        මවා මේ සා විසල් පෙරළී මහා වැස්සක් ඇරඹිනී

                                        වෙලා සියොළඟ ඔබේ දහරින් මවා සැඩ විදුලිය එළි
                                        වසා මාවත නොදී අවසර අහස පානා  දිය කෙලී
                                        ඇතත් යන්නට දුරක් මෙතුවක් ආ මගේ පියමන් වෙවී
                                        බලා යන්නට වටී නැවතී දුරයි ආ මඟ වෙහෙස වී

වැව

source

පිරී වැස්සෙන් 

වතුර

ඉතිරිලා යන 

වැව

පිරී ඔබ ගැන

මතක  

සිඳී ගිය මේ 

හිත 

තරු

source

රෑ අහස් කුස 

තරුත් පරදී

දිස්නයෙන් ඔබෙ 

අබරණා

රඟන රැඟුමින් 

නොවන්නට මත් 

නැහැ කිසිත් මට 

කාරණා

උනුන් පරයා

නැගෙන්නට දරනා

මහත් වූ

වෙහෙසිනා

ගයන ඔබගෙන් 

සිතක සුවයක් 

යදිනු නහැ 

සාදාරණා 

කරනු මා

මුසපත් තවත් 

නොම වේ සැපක් 

ඒ හා සමා

පායනා රෑ 

අහස යට 

ගනනින් දහස්

ගී තාරකා