කුලී

image-from

                                              තරුත්      නිදී    නැතිමුත් තව ලොව         ඇහැරී
                                              ගියත්       මිදී    කැදැල්ල විහඟුන්       නොවෙතී
                                              තැනක්   නැතී   හෙට කොතැනද කිව  නොහැකී
                                              සොයා    ඇදී    යයි දිවි රකිනා                  කාසී

                                             හිරුද      නැඟී    පෙලුවත් ගත දවා               නිතී
                                             නොහැක  මිදී    යන්නට ඉන් තව           රැකෙතී
                                             ළයම        පිරී    දූවිලි දුම් රොටු                කැරළී
                                             ගැහෙන    රිදී    ළය තුළ හද නැහැ            කිලිටී

                                             දියෙන්  තෙමී    ගත දහඩිය මුගුරු               නැගී
                                             පසත්    පෙඟී    ඒ දහඩිය සුවඳ                  දෙතී
                                             වැසිත්     වැටී   තෙමුවත් ගත හරස්            වෙවී
                                             සඳත්     නැඟී   කුසගින්නට රැයක්             නැතී

ගෙදර වැස්ස

image-from

                                                        අක්කෙ අක්කෙ මේ බලන්න
                                                        වත්තෙ පිරුණු වතුර ගොන්න
                                                        සුදු පෙණ කැටි ගොඩක් වගේ
                                                        පීල්ල පාමුල බලන්න

                                                                මල්ලි මල්ලි මෙහෙට එන්න
                                                                යන්න එපා දැන් තෙමෙන්න
                                                                අම්ම කිව්ව මතක නැද්ද
                                                                ගනීවි උණ රෑට ඔන්න

                                                        හුළඟේ හෝ හඬ අහන්න
                                                        ගස් ඇඹරෙන හැටි බලන්න
                                                        හිරිකඩ ඉස්තොප්පුවේ                                                         
                                                        ඇඳපු රටා හැඩයි නේද

                                                                වැස්සත් වැඩි කරලා දැන්
                                                                අකුණු ගහන හැටි බලන්න                                                                 
                                                                හනිකට ගේ තුළට එන්න
                                                                නැතිනම් මං යනව යන්න

                                                         අක්කෙ අක්කෙ ඔහොම ඉන්න
                                                         මාත් එනව බයයි ඉන්න
                                                         සුදු කරදහි බෝට්ටුවත් 
                                                         වතුර පිරී ගිලෙයි අන්න

නයිට් මේල්

image-from

                                                                        
                                                                      රෑ ... අඳුරෙම
                                                                      මා ... තනිවම
                                                                      සමුදෙනවා
                                                                      මා ඉපදුණු
                                                                      නුවරට                                                                                         

                                                                      මේ ... දුම් රිය
                                                                      මා ... හා ඇය
                                                                      ආදරයේ
                                                                      ඔටුනු පලන්
                                                                      රජ ගෙය

                                                                      සී ... තල සඳ
                                                                      මා ... තුරුලට
                                                                      එන්නට අද
                                                                      කබාය ඇත   
                                                                      ඉතිරිව
                                                                    
                                                                      ලා ... අරුණට
                                                                      ගී ... කියමින
                                                                      හිරි පොද යට                                                                         
                                                                      අප ගිය පා
                                                                      පුවරුව

                                                                      සෝ ... ගින්දර
                                                                      මා ... රිදවන
                                                                      කැලණි ගඟට
                                                                      නිවා ලන්න
                                                                      හැකි වෙද