Saturday, March 31, 2012

විසිල්

image-from
                                                       
                                                       දහඩියෙන් ලෙයින් වේදනාවෙන්
                                                       සිරවෙලා තිබුණු එක පොදියට
                                                       පීඩනය පිපිරවූ  ස්වරය                                                        
                                                       දුක මුදා හල මියුරු උරුවම

                                                       නුඹේ උරුවම් හඬට                                                        
                                                       හුරේ දැමු අත්පුඩි ගැසූ අය
                                                       කළත් බෝ ඉහළට                                                        
                                                       දිවිමඟ හිණිමගෙහි තරණය
                                                       තාම නුඹ මෙතනය
                                                       උර දෙමින් උරුවමින් පාමුල

                                                       ඉහළ සිට පහළ බලමින් ඔවුන්
                                                       කියන්නේ නොහොබිනා බව විසිල්
                                                       ඔවුන් දෙසවන රාව නොදෙන්නේ මන්ද
                                                       ඔවුන් එහි ගෙන  උරුවමෙහි නාද

                                                       තරණය නොවේ කාරිය
                                                       රැඳී ඉන්නා එක අමාරුය
                                                       හරිම අවදානම් හිණිමඟේ ඉහළ පඩි
                                                       නුඹේ උරුවම් හඬින් ලිස්සාවි මගේ අඩි
                                                       ඉදින් දෙසවන් වසමි                                                        
                                                       පිළිකුල්ය මට විසිල්
අදහස : whistleblower

7 comments:

වර්ෂා.. said...

//තරණය නොවේ කාරිය රැඳී ඉන්නා එක අමාරුය//

අපූරුයි!

Rasika Kariyawasam said...

උස තැනෙක විභවය බොහෝමයි. ස්තුතියි !

ඉන්ද්‍රජිත් said...

හොද නිර්මාණයක්

Rasika Kariyawasam said...

බොහොම ස්තුතියි !

හසිතා said...

ලොකු කතාවක්නෙ කියන්නෙ.. විශිෂ්ටයි!

අසරණයා said...

ලස්සන නිර්මාණයක්.

කඳු said...

කැමතියි... මෙන්න සිවුරුවමක් ඔබට... :)

Post a Comment

Related Posts Plugin for WordPress, Blogger...