Friday, September 30, 2011

බෝතලේ මාළුවා

image-from

                                              උදේ ඉඳන් රෑ වෙනකම් මේ                   රවුමේ
                                              පීනනවා තාමත් මම එක                        පිම්මේ
                                              ලෝකය නුඹේ එපිටින් වීදුරු                බැම්මේ
                                              විනොදයි හරිම මේකද මගෙ                 කරුමේ


                                                            වතුර අස් කරල පිරිසිඳුවට                     ඇත්නම්
                                                            කෑම නොසොයාම වේලාවට                 එයි නම්
                                                            වැඩපල කරන්නට වෙහෙසෙන්නට      නැත්නම්
                                                            වෙන සැප කොහිද ඔය වගෙ ඉන්නට    ඇත්නම්


                                              ඇළ දොළ තියෙනවලු ගහ කොළ දිය   පිරුණු
                                              දැක නැති උණත් හද වරුනාවට            පිරුණු
                                              තැනකට මා වැනිම තව අය හට           ඇරුණු
                                              යන්නට මටත් ආසයි ළමයෝ               කුළුණු


                                                             ඇළක දොළක නුඹ ගෙනිහින්        දැම්මොතින්
                                                             විසකුරු මාළු ඇවිදින් යයි නුඹව               අරන්
                                                             අහසින් උණත් එන්නට හැක නපුරු        සතුන්
                                                             නුඹව ගිලින්නට පුළුවන් එකම                කටින්


                                              අනේ ඉතින් තව උන් එහි ඇතිනෙ        තුටින්
                                              ඔය දෙවල් වලට දිරියෙන් මුහුණ        දෙමින්
                                              මට සුර සැපයි සමඟින් මා වැනිම         මසුන්
                                              නුඹටත් දැනේ වී තනිවු දිනක               තදින්


12 comments:

Gayan Rupasinghe said...

මේ අපේ ගෝල්ඩ් ෆිෂ් නේ..

ජය,,

හසිතා said...

ඒක ඇත්ත.. මාලුන්ව ටැන්කිවල දාලා හිර කරන එක ඔක්කොටම වඩා පව්..

Prasanna said...

දැන් බෝතල් වල දාලා හදපු මාලුවෙක්ව නිකමට වගේ පොකුනකට දාලා බලන්න මොකද වෙන්නේ කියලා.... උංව වෙන සත්තු ගොදුරු කරගන්නවා.

ටැංකිවල ඉන්න මාලු හිතාගෙන ඉන්නේ උන්ට ​ජෛවීය සතුරෝ නෑ කියලා... ටංකිවල ඉන්න එවුන්ව ගංගා ඇල දොල වලට දානවනම් උංට ප්‍රායෝගික ජීවිතය ගැන ට්‍රේනින් එකක් දෙන්න වෙනවා.

හසිතා said...

@Prasanna
හරියට ස්විමින් පූල් වල පීනන්න ඉගෙනගන්න කට්ටිය ඇළක දොළක පීනන්න දන්නෙ නැ වගේ..

Dinesh said...

මාත් ඉස්සර නම් මාළු ඇති කලා.. ඒත් දැන්නම් නෑ.. අපූරු කව් පෙල යාළුවා...

Rasika Kariyawasam said...

@Gayan
බොහොම ස්තුතියි !

@හසිතා
එකඟයි ! කොයි සතාටත් නිදහස හරි වටිනව.

@Prasanna
අගේ ඇති පැහැදිලි කිරීමක් :)

@Dinesh
මමත් ඇති කළා ඉස්සර. බොහොම ස්තුතියි !

වර්ෂා.. said...

ලස්සනයි අය්යෙ..

Rasika Kariyawasam said...

@වර්ෂා
බොහොම ස්තුතියි !

Eshan Sudharaka said...

නියම කවි පද පෙලක් මචං...keep up ur good work...!!!

Rasika Kariyawasam said...

@ Eshan
බොහෝම ස්තුතියි මචං your words keep strengthening me :)

Nirosh Nidarshana said...

fatta ah)))))))))))))

Rasika Kariyawasam said...

@Nirosh
thanx machan :)

Post a Comment

Related Posts Plugin for WordPress, Blogger...